2019ལོའི་ཙོང་ཁ་ཚེ་བརྟན་རྒྱལ་གྱི་སྙན་ངག་གསར་བ།(5)

9255



          རྨི་ལམ་ལས་སད་ཚེ།


གལ་སྲིད་ཁ་བ་དེ།
སྔ་མོ་ནས་བཞུས་ཚར་ན།
ང་ནི་གྲང་མི་སྲིད།
ཁཱ་ཐཱེ་ལཱེ།

རྨི་ལམ་གྱི་ཡུལ།
གང་ན་ཡོད།
དྲན་པ་དྲན་པའི་ཡུལ།
མཛའ་གཞས་ཤིག་ལས་གོ་ཐེངས་རེེེར།
ང་ལ་དབུགས་རིང་མང་ཐེངས་རེེེར།

ཁྱོད་ངུས་མྱོང་ཟེར།
མིག་ཆུའི་ཁྱོད།
སུ་ཞིག་གི་མཛའ་མོའམ།
གང་ཞིག་གི་ཚེ་རོགས།
གཏམ་རྒྱུད་བཞིན།
ཐེངས་མང་པོར་ཉན།

གལ་སྲིད་ཁ་བ་དེ།
ཁ་དོག་གཞན་ཞིག་ཡིན་ན།
འཇིག་རྟེན་གྱི་ང་ཚོ།
འདར་སིག་སིག

               2019/10/9-10སེ་ནེ།


                ངོ་མི་ཤེས་པའི་ཁྱོད།


ལས་དབང་གྱེར་མཁན།
ཁྱོད་ཡིན་ནམ།
གོམ་པ་ཞིག
གང་ལ་སྤོ།
བརྩེ་དུང་སློང་མཁན།
ཁྱོད་མིན་ནམ།
མིག་ཟུང་ཞིག
གང་ལ་ཅེར།

ཨ་ཨ ངོ་མི་ཤེས་པའི་ཁྱོད།
གང་ནས་འོང་།

             2019/11/9-12སེ་ནེ།


             ཕྱིར་མི་ཡོང་བ་དག



ཐག་རིང་འདྲ་འདྲ།
ཕྱིར་མི་ཡོང་བ་དག

སྙིང་ཉེ་ཟེར་བ།
ཤབ་ཤུབ་ཅིག
ནོར་བུ་འབོད་པ།
ཤབ་ཤུབ་ཅིག

ཐག་རིང་འདྲ་འདྲ།
ཕྱིར་མི་ཡོང་བ་དག
ཡང་ཡང་དྲན་པར་འཛུལ་དོན།
སེམས་ཁྲེལ་ཞིག

            2019/11/15-17སེ་ནེ།


0

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།