ཉི་ནུབ་ལྟ་བུའི་སྒྲུང་དང་མི་སྣ།

12276

                                          རྩོམ་པ་པོ།  ཐེའུ་རང་།
 

དགུན་ཁ་འདིའི་ས་སྲོད་བཞིན།
གྲང་འཁྱག་དང་ཁུ་སིམ་ཁྲོད།
རྒྱང་ནས་རྒྱང་དུ་ཡལ་གྱིན་པའི།
རབ་རིབ་ཀྱི་སྒྲུང་དང་མི་སྣ།
བདག་གིས་ལྟ་གིན་ལྟ་གིན་ཁྱོད་རང་བོར་འགྲོ།

མི་ཁོམ་པའི་སྒྲིབ་ཡོལ་ཕག་ན།
འདར་ཙམ་འདར་ཙམ་གནང་བའི།
ཤ་ཚའི་ཉི་ཟེར་གཉོམ་པོ།
དུས་ཚོད་ཀྱི་རླུང་བུས་དྲག་ཏུ་གཡོས་པས་ཡིན་ནམ།

ཡུལ་དང་དུས་ཚོད།
གཏམ་རྒྱུད་ཀྱི་འབྱུང་རྐྱེན་དང་བརྒྱུད་རིམ།
ད་ལྟ། ཉི་ནུབ་བཞིན།
བདག་གི་མིག་ལམ་ན་ཐང་ལ་ལྷུང་གིན་གདའ།

དགུན་ཁ་ཞིག་ཚར་རྗེས།
ཁངས་དང་ཆབ་རོམ་མྱ་ངན་གྱིས་ཞུ་འགྲོ་བ་ཇི་བཞིན།

0

One Response to ཉི་ནུབ་ལྟ་བུའི་སྒྲུང་དང་མི་སྣ།

  1. ཨ་ཉི་རྡོར་བྷ། ལགས་ཀྱིས:

    སེམས་པར་གཡོ་སྐྱོམས་བཟོས་སོང་།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།