འཕྲུལ་བ། (ཞར་བཀོད་གཉིས)

320

19047343_1434294563294706_1592554886_o.jpg

        འཕྲུལ་བ།


བྱིས་པ་དེའི་ལག་པའི་མཐིལ་ལ།

ཁྱེད་ཀྱིས་ཀུ་ཤུ་ཞིག་བཟུང་ཡོད་པ་མཐོང་།

ཀུ་ཤུའི་སྟེང་ན་བྱིས་པ་དེའི་མིག་ཟུང་།

ཁྱེད་ཀྱིས་ཕྱེ་མ་ལེབ་ཅིག་ཡིན་པའང་མཐོང་།

ནགས་ཚལ་མང་པོ་ཁྱེད་ཀྱིས་ཉུལ་མཐར།

ཁྱེད་ཀྱིས་བྱིས་པ་དེ་བསླུ་མ་ཐུབ་ཅིང་།

ཀུ་ཤུ་དེ་འཕྲོག་ཀྱང་མ་ཐུབ་པའི་ཁར།

ཁྱེད་རང་བྱིས་པ་དེ་ལ་ཐོགས།

ཁྱེད་ཀྱི་གྲིབ་མ་ཀུ་ཤུ་དེས་གྲིབ་མས་མནན།

གལ་ཏེ། ནགས་ཚལ་དེ་རུ།

བྱིས་པ་གཉིས་ཡོད་པའི་དབང་དུ་བཏང་ན།

ཀུ་ཤུ་གཉིས་ཡོད་པའི་དབང་དུ་བཏང་ན།

ཁྱེད་ཀྱིས་གྲིབ་མའི་ནང་ནས་ལྐོག་ལྟ་བྱེད་སྲིད་དམ།

      maireལགས་ལ་ཕུལ་བ།


ལྷམ་ཆུང་གཉིས་ཀ་དབུས་སུ་་བསྐྱུར་ཀྱང་།

བྲེལ་བྲེལ་འཚུབ་འཚུབ་ངང་གནམ་གྲུའི་ནང་ལ་འབུད་སྐབས།

སྙིང་ཉེ་བའི maire ལགས།

གནམ་གྲུའི་སྒེའུ་ཁུང་ཁའི་སྤྲིན་གྱི་དུམ་བུ་དེ་དག

ཁྱེད་དང་འདྲ་བར་བྲེལ་འཚུབ་ཀྱིས་འགྲོ་བཞིན་ཡོད་དམ།

ད་དུང་རྐུབ་སྟེགས་གཡས་གཡོན་གྱི་མིག་ཟུང་དེ་དག་གིས།

ཁྱེད་ཀྱི་མཁུར་ཚོས་དང་བྲང་ཁ།

མིག་ཟུང་གི་གཡོ་འགུལ་སྣ་ཚོགས་ལ་བལྟས་ཏེ།

སྐད་ཆ་བཤད་མཚམས་བཞག་ནས།

དུག་སྦྲང་གི་མཆུ་ཏོ་བརྐྱངས་པ་ལྟ་བུའི་མིག་དབལ་གྱི་སྣེ་མོ།

ག་ས་གང་ནས་རུབ་འོང་ངམ།

སྙིང་ཉེ་བའི maire ལགས།

ཁྱེད་རང་གནམ་གྲུའི་ནང་ལ་ཅུང་ཟད་བསྡད་པའི་ཡུན་ལ།

སྤྱི་ལེའུ་བརྒྱ་ཕྲག་གིས་དམའ་བའི་འཇིག་རྟེན་དུ།

རྨི་ལམ་ཁྲོད་ལ་སྐར་མ་ཁ་ཤས་ལྷུང་བའི་མི་སྣ་སྐྱ་བོ།

ལྷ་ཁང་གི་སྒོ་འགྲམ་ན་འཚང་གའི་ངང་།

ཅུང་བརྡུང་རྒྱུར་བྲེལ་ནས་རྒྱུགས།


      ཕྱུ་བ་སྔོན་པོ།


ཐང་ག་དེའི་དབུས་སུ་རྟག་པར་སུ་ཞིག་འབྲི

སྨུག་པ་ཟ་ཟི་ཞིག

རོལ་དབྱངས་བན་བུན་ཞིག

མིག་བཙུམས་མ་ཐག

རྨི་ལམ་ཡང་མ་འཁོར་བའི་གོང་དུ

འདས་པ་གསལ་ལ་མི་གསལ་བ་ཞིག

རྒྱབ་གཟུགས་གཉོམ་ལྷང་ངེར་འཚོ་བ་ཞིག

ནམ་རྒྱུན

ཐང་ག་དེའི་དབུས་སུ

བྱིས་པ་ཕྱུ་བ་སྔོན་པོ་གྱོན་པ་དེ

རྣ་ལོང་ཆུང་ཆུང་འདོགས་པ་དེ

ལྷམ་ཆུང་བུ་ལ་འཇའ་ཆེན

དབུས་ཀྱི་སྲང་ལམ་ཀྱག་ཀྱོག

ས་རྡུལ་དང་འདྲེས་པའི་ཕྱུ་བའི་ཐུ་བ

ས་རྡུལ་གྱི་གསེབ་ན

ད་དུང་ས་རྡུལ་དང་འདྲེས་པའི་ལྷམ་ཆུང

ལམ་ལ་ཆས་པའི་དུས་ཚོད

གཅིག་བུར་འགྲོ་བའི་དུས་ཚོད

རི་ཁྲོད་སྙེགས་པའི་དུས་ཚོད

 

0

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།